***

El fergiòo

Come d'accord, ier sira sont vegnùu
sul canton de ca soa vers i noev
e sont sta lì on bel pess, con tutt ch'el pioev,
el m'ha ben sfottùu, acciùu acciùu!

Me son bagnaa, seccaa e anca inrabii;
stavi già per andamen col muson
quand'on auto arrivada al so porton
el coer la m'ha dervii, eccii eccii!

O gioia bella, ho ditt, l'è denter lèe
ma oimì, gh'era anca on tal cont i barbis
Signor Signor, l'è andà el mè Paradis
su'l barì de l'asèe, eccèe, eccèe!

E poe s'hinn brasciàa su, che mal de co
e quel lader vigliacch di barbisitt
el s'è ciappaa ona fila de basitt
e mi ho ciappaa el fergiò, ecciòo ecciòo