Iu quannu a esprimiri nu sentimentu,
scrivu cu l’ispirazioni nu cumpunimentu.

Nu mi sientu nu poeta ma nu dilinquenti
picchì nun aiu scrittu a tia ca sì pi mia a fonti ri l’amuri sempri prisenti.

Tu mi concepisti pi amuri
macari se quannu nasciu nun era beddu comu nu sciuri.

Attraversasti tuttu lu munnu
pi farri curari i danni cà avia no mo prufunnu.

Mi criscisti cu massima rucazioni e umanità
na bona dosi ri rispettu e severità.

Aia suffertu quannu aia tummatu
e a to manu ma aiutatu e rialzatu.

A fini re to prighieri a Diu c’è ‘npinsieru costanti
raccumannarici u figghiu ca pi tia è a cosa ciù ‘mportanti.

Mpuozzu né ‘ncielu né ‘nterra migghiu difinsuri truvarimi
pronta co to mantu ranni a cummigghiarimi.

Sugnu felici quannu nta vita tai ratu soddisfazioni
pi virriri i to uocci arririri senza limitazioni.

I miegghiu chef sana mintiri ri latu
picchi virriri e mangiari i cosi ca tu a cucinatu
ti lassinu pi sempri u ricordu ‘nto palatu.

Quannu ti taliu mi rilassu e truovu amuri e serenità
e posso parlari ca massima sincerità.

So ca chiddu ca ricu cu attenzioni veni sintutu
picchi vuoi sulu darimi aiutu.

U to sguardu parra e mi suggerisici i cosi cà aia fari
e iu re to uocci nun mi puozzu dispensari.

Speru ca tu viva a lungo pi continuari a coltivari stu gran fiori
picchi quannu tu ti ni và si stuterà a parti ciù bedda ro mo cori.

Ora finiu macari ca putissi cuntinuari pi uri e uri
picchi nun si smetti mai di pinsari ed esternari l’amuri

Forsi prima o poi ti liegghiu stu componimentu
e tu mi dirai cà è beddu macari cà è nu lamentu.