Te vogghiu beni
ma nun ti possu amari
cecchimi ri capiri,
e nun te disperari.

Se fussi suli nstintu ri armali
nci pinsassi e ciccassi ri arraffari
Ri pussiririti sempri ogni momentu
facienniti nesciri u to beddu rispiru ri lamientu.

Ma iu vogghiu amari anima e cuorpu
ma tu nun pinsari ca sugnu purpu.
Vogghiu sulu aviri na fimmina comu n’ancìlu
ca mi fa vulari n’altu nun sulu po pilu.

Tu si na pissuna particolari
e iu cu ti tia mi vogghiu cunfidari
rariti tutti i mo pinsera nta mo arma ammucciati
picchia sacciu ca cu tia nun vieninu sbummicati
ma mi puoi sulu aiutari a cunsigghiari
senza a pritisa ca ti aia ricambiari.

Forsi u desideriu po pigghiari nseguitu u suppravventu
ma che pieri nterra sapimu ca è comu na catta nventu
ca po alliviari e fari i pinsera svulazzari
ma nun po rinesciri mai a vulari.

Rittu chistu mi sientu un pochu asserinatu
picchi u mo pinsieru fu estarnatu.
Ora po succerriri tuttu o nenti
ma iu mi sentu un omu e no nu fitenti
ca apprufitta ri tia ca sini na pissuna spiciali e particolari
ca meriti tuttu chiddu ca puoi disidirari.