Fantasia meneghina

Stampato da : Concerto di Sogni
URL Tema: https://www.concertodisogni.it/mpcom/link.asp?ID ARGOMENTO=17195
Stampato il: 14/12/2025

Tema:

Autore Tema: Elena Fiorentini
Oggetto: Fantasia meneghina
Inserito il: 30/12/2008 11:09:12
Messaggio:

Fantasia meneghina

Mi, ier sira hò mangià pocch, perché gh'avevi in cà pù nient. L'è stàa che seri adrè andà a fàa la spesa, quand hòo ciappà on scapùsc, sont borlada giò come on salàmm, gh'avevi la vesta sperlusciada,seri tutta bordegàda, me faseva mal el coo e i brasc domà a moeùv la roba del super, la mia man la s'era infortunada e hòo ciappà el fergiù...etciù...allora hòo fàa cont quel pocch che avevi in càa

El dì de Natal
Gh'avevi pocc de mangià
ma l'era roba fina,
el less
cont la mostarda,
el rostin negàa
cont el cotechin
l'era propi
on paciarin de rajà,
i verduritt al forno
cont i patati
e i sciguj lessà
eren propi ona bontà

Cont tutta
sta robba fina e soraffina
hòo terminà el disnà
cont on bel pomm
colorà, cott
al forno con la cannella,
i mandarin e i nàranz
madur e profumà
dal sol de la Cicilia.

...e che dì del panatton?

quel propi el manca mai
l'è el princip di golos
la soddisfazion di offelé,
l'è bel gustall
cont on biccerin
de vinell frizzantin,
in compagnia di amis
del nòno, la nòna e la zia
che durant i fest
ne tegnen compagnia

el brachett d'Acqui,
ross che'l buscia
on moscadell
frizzantin, doulz e gentil
dell'oltrepò paves

e intanta... cont on gran sospir...speri propi che l'ann che l' adré rivà, el
2009
el sia pussè bell de quest chi che l'è adreè ad andà via
te saludi, 2008

Elena Fiorentini, 30 dicembre 2008

Concerto di Sogni : https://www.concertodisogni.it/mpcom/