Autore Tema: fabiobyte
Oggetto: Scicli (Poesia Dialettale)
Inserito il: 23/06/2006 11:24:07
Messaggio:

Vicinu o mari cà separa e iunci li pissuni
ci si tu, Scicli, cà sta dintra nu vadduni.

La muntagna ti sovrasta e si fa ammirari
e tu pensi: a vogghiu scalari.

U percorsu è turtuosu ma particolari
e ti scuoddi a strata cà t’attocca fari.

I ficurigni, i mura a siccu, i casi viecci ‘nta roccia e i timpa ‘nterra nun ammalatati
cu li percorri pi tutta a vita vieninu palasati.

Arrivi ‘ncima e viri u mari e i paesaggi ‘ncantati
ti giri e trovi u rogghiu e San Matteo beddi, ma putroppu sdirruccati.

Scinni e arrivi ne viuzzi e viri li palazzi storici cu tanti pariticulari supraffini
tantu onuri e meritu all’abili maestri scappellini.

Lu municipio, la ciazza centrali
sunu posta ‘ncu nun putiti mancari.

A San Giuseppi a cavalcata è ‘n eventu ecceziunali
picchi annuncia che rosi e che sciuri a primavera a tutti gli essiri murtali.

Ma a primavera eterna ro Gioia ‘nta notti santa potti paci e tutti i vucchi sorridenti
quannu appari trionfanti l’uomu viventi.

Cu vidi la festa ra Patrona s’addummanna: picchi prima nunnu fici
ri veniri cà pi viririmi a festa re Mulici?

A Maronna arraprisenta a fedi a Diu cà assiri protetta e mai scuddata
pi l’animi cà si bienu ‘nterra quannu u munnu ci duna qualchi timpulata.

E se io, ri forestieru mi piaci picchi e simili o mo paisi natali
criri a mia, viniennu cà pò macari vulari senza ali.

L’arma s’arricria assapurannu cultura e paesaggiu fatatu
rimanienni giuiusu e senza sciatu.

Ora cà scrissi ‘sti versi pi tia mi sientu cuntentu e asserenatu
picchi speru cà possa esseri nu modu pi essiri, tu pi sempri ricordatu.