U to pinsieru è comu na bannera o vientu
ca cangia senza sosta u punti ri riferimentu.

U to biancu diventa niviru nta nsecunnu
e rinesci a mutari macari u ncapu co funnu.

Se dici se
macari c’è nu picchè
nta to testa c’era na negazioni
quannu usi a ragioni.

Usi ciù l’intuitu rispettu a riflissioni
picchi ti pà di pigliari miegghiu i to decisioni.

Chistu è u beddu ri tia, fimmina, ca renni duci u munnu esistenti
e senza ri tia valissi picca o nenti.

Eni difficili e misteriosu ri tia tuttu
ma iu ceccu ri capiriti ma se ncià riniesciu mi ni futtu.

Ci voli u massimu r’amuri e ro sintimentu
pi capiri in pienu u to cumportamentu.

Ansiemi co masculu raggiungi a prefezioni
picchi Diu vosi accussì senza dari spiegazioni.

Pecciò macari ca si strana, si na cosa priziusa e speciali
e nu masculi nunni putimu dispinsari
se vulimu raggiungiri a paci nteriori
chidda ri l’arma e ro cori.