A notti trasforma ogni pissuna
picchi unu re difetta si n’adduna.

Viri na fimmina e pari chidda re giurnali
pui ri iuonnu a talì e a vo biari nto rinali.

A mari si senti sulu tranquillità
e u scrusciu ro vientu ti runa l’idea ri l’immensità.

Rinesci a truvari a paci interiori
sia se si sulu ca c’amici ro cori.

Tuttu cangia significatu
e macà fa i cosi ca mai a pinsatu.

Ti mangi a pasta e quattru ri matinu
rirri e ti fa nu test pi capiri chi ti riserva u to destinu.

É bellu sta accussi e assapurari ri tia, notti, chiddu ca mi vuoi dari
e ogni tantu ansiemi a tia vuogghiu stari.

Capisciu nfunnu
chiddu ca ciaiu no prufunnu
macà ca pui po suonnu viri nu liettu e lu sfunnu.

Tu notti a cunsigliatu interi generazioni
e iu ansiemi a ti a vuogghiu piglià i mo decisioni.

Tu riniesci a fari nesciri u miegghiu ca ognunu cià
e nessunu uri tia si pò dispensà.

Se unu stapissi sempri svegliu
riniscissi a cangià u peggio co megliu.

Eccu picchi nunna ncuontri mai pi sempri na pissuna
picchi Diu vo cà a crisciri senza cà tu na manu ci duna.

E mentri iu ti ammiru
mi inciu u nasu ro to respiru.

E ogni notti ti taliu e viru ca si tantu bedda
finu a quannu ciaiu l’uocci a pamminedda.

Pui scompari e u suonnu piglia u supravventu
ma pi chiddu ca tu fà ti pensu ogni mumentu.